NABITIN sa ere ang saging na turon nang makita ko ang pagpasok ni Royce sa kusina. Naroon kami nina Neneng at Ate Delia at kasalukuyang nagmemeryenda habang pinagkukwentuhan ang mga nangyari kagabi sa party. Parehong natahimik ang dalawa at halos sabay na tumayo para batiin ang dumating.
"Good afternoon, Sir Royce! Meryenda po tayo!" alok ni Neneng.
"Akala namin ay hindi kayo darating ngayon, Sir. May iuutos po ba kayo?" tanong ni Ate Delia.
Hindi ko na naisubo ang turon. Ibinalik ko iyon sa pinggan at kinuha ang baso ng malamig na softdrinks.
"Anong kinakain n'yo?" rinig kong tanong ni Royce at lumapit sa mesa. Sinilip ko siya habang umiinom, nakita kong dinungaw niya ang laman ng mga pinggan.
"Saging na turon, Sir, 'yan at chicken macaroni soup. Bagong luto ko. Gusto n'yong kuma
