"ANO naman kaya ang balak niyang gawin sa'yo? Ibang klase ang Royce na 'yon!" di-makapaniwalang sambit ni Thelma.
Nasa bahay ulit namin siya ng umagang iyon ng Sabado. Gaya noong nakaraang araw, naghihintay kami ng pagdating ng sundo ko. At habang naghihintay, buong-buo kong kinwento sa kaniya ang tungkol sa nangyari kagabi. Pahapyaw ko lang kasi nasabi sa kaniya sa text pagdating ko sa bahay at hinihingal pa ako sa galit kay Royce. Hindi naman makapaniwala si Thelma sa ginawa ng siraulong ama ni Migo.
"At ikaw, Chay! Hindi mo man lang ba napansin ang suot niya? Hindi mo man lang tiningnan kung siya 'yong rider? Ipapahamak mo ang sarili mo sa kagagahan mo!"
"Kaya nga, Thelma. Pagkakamali ko na rin. Siguro dahil sa antok at pagod kaya hindi ko napansin. At paano ko naman maiisip na mag
