"HINDI ko gusto ang ginagawa mo, Royce. Hindi ko gustong nagdedesisyon ka nang hindi man lang sinasabi sa akin."
Hinintay ko talagang makasakay kami sa kotse bago ko isambulat ang nasa isip ko. Napahinto si Royce sa pagkakabit ng seat belt at napatingin sa gawi ko.
"Ano na namang nagawa ko, Chay? Lahat na lang ba mali sa paningin mo? Look. Ginagawa ko ang obligasyon ko bilang ama ni Migo. Hayaan mo naman akong makabawi sa anak ko."
Hinarap ko siya. "Kay Migo, oo. Pwede kang makialam kapag tungkol sa kaniya, pero 'yong pati ang buhay ko panghihimasukan mo, ibang usapan na 'yon."
"Ano bang ginawa ko sa'yo?"
"Hindi mo alam?" nang-uuyam na tanong ko at ginaya ang mga sinabi niya. "Chay, dito ka magtatrabaho! Hindi ka pa magsisimula bukas! May appointment kayo ni Migo sa doktor!"
"Anong m
