Kinabukasan, kahit nasa trabaho ako ay hindi ako mapakali. Ngayong araw na kasi pupunta si Lance doon sa bahay ng lolo ng ex niya. Wednesday na ngayon. Noong lunes siya umalis dito sa Siargao tapos nagpahinga lang siya kahapon. Naisio ko na limang araw pa akong hindi mapapakali nito.
“Ma’am, kanina ka pa lumalabas at pumapasok sa office natin. Nahilo na ang brain cells ko sayo, ah,” wika ng staff kong si Jeff. Parang barkada lang kasi ang turing niya sa akin.
“Pasensya na,” wika ko.
“Maupo ka lang diyan sa swivel chair mo tapos paikutin mo para ikaw naman ang mahilo,” biro nito.
Huminga ako ng malalim. Tumulala na lang ako sa monitor ng pc ko. Hindi pa rin kasi tumatawag si Lance simula kaninang umaga. Umalis na kaya siya? Hindi din siya nagte-text.
May tiwala ako kay Lance at sinab
