Umalis ako kina Melai na may ngiti sa labi ko. Iniisip ko kung saan ko gaganapin ang surprise party. Kung sa restaurant nila ni Kian at Jake o kung sa bahay na lang. Mas prefer ko sana sa beach o kaya mag-tour kami dito sa Siargao.
Naisipan kong magpunta sa mall para bumili ng damit na pang-baby. Dumiretso ako sa mall para maghanap ng baby clothes.
Nagtingin ako sa department store sa area ng baby clothes. Napahawak ako sa tiyan ko habang naglalakad-lakad ako at nagtitingin ng mga damit na pang-baby. Hindi ko maalis sa labi ko ang ngiti dahil iniisip ko na ang magiging reaksyon ni Lance kapag nalaman niyang magkakababy na kaming dalawa.
“Excited na akong lumaki ka sa sinapupunan ko, baby. Boy ka man o girl, mamahalin kita ng buong-buo. Higit pa sa buhay ko. Mamahalin ka namin ng daddy
