Sa halip na intindihin pa ang lalaking nasa labas ay nagpasya akong ayusin na lang ang mga pinamili ko. Hinugasan kong mabuti ang mga mansanas at mangga bago ko inilagay sa ref. Bumili na rin ako ng orange dahil ang sabi ni doktora ay maganda rin daw ito sa buntis.
“Ang haba naman ng saging na ‘to!”
Hawak ko ang isang piling na saging na ilalagay ko sa ibabaw ng mesa. Feeling ko ay mabubulunan ako kapag kinain ko ito. Susukatin ko na sana ito gamit ang aking daliri nang matigilan ako.
Teka nga, bakit ba nawiwili akong sukatin nang sukatin ang mga bagay-bagay? Tsk! Nagsimula kasi ito noong nakita ko ‘yong ano…
“Ano, Astrid?! Sige, ituloy mo!” bumubulong-bulong ang konsensya ko kaya napatigil ako.
Oh ‘di ba, kahit mag-isa ako rito ay hindi rin ako magkaroon ng katahimikan?
Napapai
