“Akala ko ba you are going to stay here for good? Bakit babalik ka na naman ng Amerika?” dama ni Zach ang pagpo – protesta sa boses ng kanyang ina ng malaman nito ang plano niya.
“Wala kasing ibang qualified sa trabaho doon kaya ini – offer ulit ng company ang dati kong posisyon. Compensation is good kaya tinanggap ko na. Wala naman akong importanteng gagawin dito,” sagot niya sa ina.
Sila lamang dalawa noon sa hapag kainan. Aalis na kasi siya sa makalawa kaya minabuti niyang dalawin ang kanyang ina kahit na nga alam niyang naroon pa si Jack. Alam niyang naroon ang kanyang kapatid pero ang asawa nitong si Margot at ang anak nito ay wala na. Alam niyang umalis na doon ang asawa nito at umuwi sa bahay ng ama nito.
“Compensation is good? Anak, sa laki ng suweldo mo dito hindi mo n
