MASAYANG nagsalu-salo ang aming mga pamilya. Hindi ko inasahan na mangyayari ang ganitong tagpo sa pagitan ng aming pamilyang Montenegro kasama ang Arguelles. Isa nan ga talaga akong Arguelles. Walang duda iyon. Sina mama at papa ay magiliw na nakakwentuhan ang mommy ni Vince. Sina Lolo Ramon naman at Lolo Winderson ay tila may seryosong pinag-uusapan samantalang ang mga makukulit kong kapatid ay nakigulo sa kusina kung nasaan si Manang at ang iba pang bagong kasambahay. Hindi ko namalayan na nakangiti pa rin pala ako habang pinagmamasdan ang extended family ko. Parang hindi lang ako makapaniwala. Tila isang panaginip na hindi ko inasam na mangyari subalit ngayon ay nakakamtan ko na.
Marahang pagpisil sa palad ko ang umagaw ng atensiyon ko. Nang lingunin ko iyon ay dinala na ni Vince ang
