KINAUMAGAHAN ay nagising akong wala na sa kama si Vince. Nagmadali akong bumangon saka mabilis na tinungo ang banyo. Napa-wow na lang ako nang makita ang malaking tokador na punung-puno ng damit na pambabae. Sa akin kaya ang mga ito? Ang bilin sa akin ni Vince ay gamit naming lahat ang nasa loob ng silid namin. Pinili ko ang halos hawig na blusa at palda na ginagamit ko pangpasok sa opisina. Nag-ayos din ako ng kaunti saka bumaba na. Nasalubong ko si Manang na naghahanda ng pagkain sa hapag-kainan. Nakangiti niya akong binati. Nilapitan ko siya at niyakap.
“Na-miss ko kayo, Manang.”
“Maam -- este Aaliyah, halika at kumain ka na ng agahan. Kumusta ang honeymoon ninyo ni Sir Vince?” Tinapik-tapik niya ang balikat ko. “Ganadong-ganado ang asawa mo ah!”
Pinamulahan ako ang mukha. “Mapagbiro
