Nakaharap ako sa kawalan, habang may hawak na kopeta, iniisip ang mga maaring mangyari. Ang araw na pinakamasakit para sa akin, ang makasal sa babaeng hindi ko mahal at kailanma’y hindi ko mamahalin.
‘Sir, they are waiting for you.’ Pumasok ang isang Spanish national na mabigote sa aking hotel suite.
Nilaklak ko ang nalalabing laman ng wine glass. Buong lakas ko iyong inihagis sa sahig.
‘Oh my God!’ nasindak siya sa ginawa ko. Hindi ko siya pinansin. Humarap ako sa human size na salamin at inayos ang kurbata. Pinunasan ang basa kong pisnge. Kung ito ang gusto niyang gawin ko, susundin ko. Sa ganitong paraan ko lang din magagawang pangalagaan si Loraine. Kahit na malayo siya at kahit hindi ako ang lalaking para sa kanya tutuparin ko ang pangako kong mahalin at pangalagaan siya habang
