Nakayapak ang maliliit na paa, buhat-buhat ang isang sako ng labahan galing kanila Aling Ramona. Inutusan ako ni Mama na kunin ang mga lalabhan niya para may maibili kami ng bigas. Ilang araw na hindi umuuwi si Tatay, paniguradong nasa barakada o sabungan na naman iyon.
“Huy, ting-ting!.”
Huminto ako. Nakabako ang likod kong pinilit na nagtaas ng tingin sa kanya.
“Po?” sininghot ko ang tumutulo kong sipon.
“Nasaan ang Mama mo?”
“Sa bahay po.”
“Sabihin mo magbayad siya ng utang. Pabalik-balik na lang ako sa inyo, panay na lang tago.” Nagbaba ako ng mukha. Nakakatakot ang nanlilisik na mga mata ni Aling Magda. “Sabihan mo siyang magbayad siya kung ayaw niyang masabunutan sa daan, Ha!”
“Opo.” Hinawakan ng isang kamay ko ang madungis kong kamiseta at pinunas sa sipon ko. “sasabihan ko
