"BUNTIS ka ba?" tanong ni Rebeca sa akin.
Dinalaw ko siya sa bago niyang bahay na binili. Kanina kasi ay nagkaroon ng house blessing kaya hanggang ngayon ay nandito pa rin ako.
Huminga ako ng malalim. "Sana nga buntis na lang ako."
"Bakit hindi mo ba alam na buntis ka?"
Hindi ko lang masabi sa kanya na buhay si Sevie.
"Mag-pregnancy test ako mamaya," alibi ko.
"Siguradong matutuwa ang asawa mo kapag buntis ka."
Tipid akong ngumiti. "Ikaw, kailan ka mag-aasawa?"
Tumawa si Rebeca. "Kapag natapos ang problema ko."
"May kaso ka ba na gusto mong ipanalo?"
Ngumiti siya. "Wala pa naman akong kaso na natalo lahat panalo."
"Congrats!"
"Alam mo, Steffie, mahirap talaga kapag masyado tayong nagiging kontento sa buhay natin. Kailangan natin gawin ang lahat para makuha natin ang gusto natin
