NAGULAT ako nang tapikin ni Chloe at Penelope ang aking balikat. Nakita ko ang kanilang ngisi habang nakatingin sa akin. Hindi maganda ang kutob ko sa dalawang ito.
“Nakita namin iyon, Isla? Isa iyon sa apat na magkakaibigan na bagong dating, ʼdi ba? Pinopormahan ka na ba niya?” Nakangising tanong sa akin ni Chloe.
Sinasabi ko na nga ba, kaya hindi maganda ang kutob ko sa isang ito, e. Sila ʼga talaga kahit kailan.
“H-hindi, ha?! M-may sinabi lang sa akin.” Nautal pa ako habang sinasabi ko iyon. Lalong makakahalata ang mga ito, alam pa naman nila kung kailan ako nagsisinungaling.
“Sinungaling!” Malakas na sabi ni Chloe sa akin.
Sinasabi ko na nga ba, mahahalata agad nila ako.
“Nauutal ka, Isla. Kilala ka namin. Magkakabata tayong apat kaya wala kang maitatago sa amin. Anong sinab
