WEDNESDAY, day-off ko ngayon. Kasabay ko sa day-off si Zoe at sa Cafe naman ay ako lamang sa morning and afternoon shift ay si ate Mae. Napahikab ako nang malakas at nagpaunat-unat habang nakahiga pa rin sa kama.
Napatingin ako sa wall clock at nakita kong mag-a-alas nuwebe na ng umaga. Ang haba ng naitulog ko ngayong araw. Napaupo na ako sa kama namin ni Irish at napatulala. Ganito ako ng ilang minuto bago nagpasyang tumayo na, inayos ko muna ang kama namin at saka ako lumabas. Paglabas ko ay nakita ko ang bahay namin na sobrang tahimik, ako lamang ang nandito ngayon. Kaya ang ginawa ko ay tinungo ko ang lamesa at tinignan kung ano ang nakatakip doon, dalawang itlog at cornbeef na may miswa. May nakita rin akong sulat doon, sulat kamay ni Mama.
“Isla, heto ang almusal mo, ha? May bagong
