ALAS-SAIS na ng umaga, nauna na kaming lumabas ni Mia kay Zoe. Kailangan kasi namin buksan ang Cafe namin.
“Nakita ko na si kuya Jerome and si kuya Jasper.” Pag-uumpisa na sabi ni Mia sa akin.
“Maaga po silang dumating?” tanong ko sa kanya habang naglalakad pa rin kami.
Napatingin ako sa dalampasigan, napakalmado ng dagat ngayon. Hudyat na walang paparating na bagyo sa amin.
“Oo, sa akin nga binigay ni Kuya Jerome iyong susi. Mahuhuli raw sila dahil kakain pa sila nang almusal sa cafeteria.” sabi ni Mia sa akin. Nasa tapat na kami ng Cafe at binuksan na niya iyon.
Tinulungan ko na siyang buksan ang aming Cafe. Ganitong oras ay iilan pa lamang ang turistang nakikita ko. Iyong iba ay nag-ja-jogging sa tabi ng dalampasigan.
“Tahimik, ano? Mamaya lamang ay magiging maingay na ulit an
