Lovin' My Enemy's Daughter (R18+)

Chapter 3

Halos kalahating oras nang pabalik-balik sa paglalangoy si Vanessa sa ilog pero hindi man lang siya nakakaramdam ng pagod. Labis ang sayang kanyang nararamdaman dahil sa wakas ay muli siyang nakaligo doon.

Hindi na niya maalala ang huling beses na nakapunta at nakaligo siya doon dahil lagi siyang abala sa school at tuwing bakasyon lang siya nakakapunta doon kapag may libreng oras siya. Kaya susulitin na niya ang araw na iyon habang hindi pa muling nagpaparamdan sa kanya si Angelo. Dahil sigurado siyang hindi na naman ito mawawala sa tabi niya at magkakaroon na naman siya ng mga limitasyon.

Pilit niyang inalis sa isipan si Angelo dahil nagsisimula na namang mapuno ng imahe nito ang kanyang isipan. Kaya siya nagpunta sa ilog ay para magsaya bago muling humarap dito pero hanggang doon ay pilit pa rin itong sumisiksik sa isipan niya. Wala na nga siyang takas kapag nasa paligid niya ito pati ba naman sa kanyang isipan ay nagagawa nitong guluhin siya? Hayyss.. Wala na yata talaga siyang kawala sa isang Carl Angelo. Dahil pati sistema niya ay na-corrupt na nito. Nakatatak na yata ito sa kanyang buong pagkatao. At alam niyang baka sa mga susunod na araw ay pati katawan niya ay mamarkahan na rin nito.

Nagpatuloy na lang sa paglalangoy at parang batang nagtampisaw sa ilog. Mag-isa lang siya doon kaya solo niya ang buong lugar. Hindi naman siya nakakaramdam ng takot o pangamba na baka may magsamantala sa kanya dahil wala siyang kasama sapagkat halos kilala niya lahat ng tao sa kanilang lugar. Wala rin namang ibang taong nagagawi doon at idagdag pa na hindi naman masyadong pinupuntahan ang ilog na 'yon. Siya lang ang madalas na pumunta doon para maligo.

Bahagya siyang natigilan sa kanyang paglalangoy nang maramdamang parang may nanonood sa kanya. Pamilyar iyon dahil nararamdaman niya lang ang ganoong pakiramdam kapag ang nakatingin o nakatitig sa kanya ay si Carl Angelo. Parang nagtataasan ang kanyang balahibo sa hindi malamang dahilan pero nang libutin niya ng tingin ang buong ilog ay wala siyang ibang makitang tao. Tanging namamayani doon ay ang mga huni ng ibon sa paligid at ang agos ng tubig.

Ipinagsawalang-bahala niya iyon at

babalik na sana siya sa paglalangoy pero halos himatayin siya sa sobrang gulat ng biglang may sumulpot sa harapan niya galing sa ilalim ng tubig.

"Angelo!?" gulat at namimilog ang matang wika niya nang masilayan ito. Hindi niya inaasahang pupuntahan siya doon ni Angelo at mas lalong hindi niya inaasahan na basta na lang ito susulpot sa kanyang harapan.

"Got yah, honey," anas nito habang nakataas ang sulok ng labi.

Lalayo sana siya dito dahil halos magkadikit na ang kanilang katawan pero mabilis nitong hinapit ang bewang niya dahilan nang mas pagdidikit ng katawan nila. At agad na namula ang kanyang mukha dahil naipit sa pagitan nila ang kanyang dibdib at doon nakatingin ang binata. Hindi lang basta nakatingin dahil nakatitig ito sa dibdib niya.

"Bastos!" namumula ang mukhang anas niya at pilit na itinulak ito pero hindi siya nito pinakawalan. Nag-angat ito ng tingin sa kanya at bakas doon ang pagkamangha at kapilyohan.

"I'm not doing anything, honey. Kaya papaano ako magiging bastos? Hindi ko naman hinawakan, sinulyapan ko lang. Asawa mo naman ako kaya normal lang na makita ko ang katawan mo. And very soon hahaplusin ko rin 'yan at aangkinin kaya dapat lang na masanay ka na. And if I'm not mistaken, it became bigger than before. Perfectly fit for my hands and I'm dying to feel how soft—" he was cut off nang takpan niya ang bibig nito dahil hindi niya kinaya ang lumalabas sa bibig nito.

Tinawanan lang siya nito at agad niyang binawi ang kamay nang maramdaman niya ang bahagya nitong pagkagat at pagdila doon. Namimilog ang matang tiningnan niya ito habang aliw na aliw naman ito sa reaksyon niya. Nakataas ang sulok ng labi at bakas ang kapilyohan sa mukha. Oh God! Wala pang ilang minuto niya itong nakakasama, ganito na agad ang nangyayari sa kanila. Papaano pa kaya sa mga susunod pang mga araw?

"A-anong ginagawa mo dito?" tanong niya matapos niyang makabawi sa kapilyohang ginawa nito. Magkadikit pa rin ang katawan nila at nanatiling nakapulupot ang braso nito sa bewang niya.

Hindi na lang niya sinubukan pang kumawala sa mga bisig nito dahil sa bawat pagpupumiglas niya para subukang kumawala doon ay mas lalong humihigpit ang pagkakagapos ng braso nito sa katawan niya. Mas lalong nagdidikit din ang kanilang katawan at ramdam niya ang angking kakisigan ng katawan nito. At hindi niya maiwasan ang mailang dahil sa may nararamdaman siyang matigas na bagay na nakadiin sa tiyan niya at hindi naman siya ganoon kainosente para hindi niya malaman kung ano ang bagay na 'yon.

"Sinundan kita. Hinintay kita sa bahay ni Ate Caren at hindi ka man lang nagpaalam na hindi ka pala pupunta doon ngayong araw. Tinatakasan mo ba ako? Huwag mo nang subukan dahil masama akong magalit, honey. Kakaiba akong magbigay ng parusa," seryosong wika nito at nawala ang kapilyohan sa mukha ni Angelo.

Napalunok siya dahil doon at hindi niya maiwasan ang hindi makaramdam ng takot dito dahil alam niyang seryoso ito sa mga sinabi nito.

At hindi niya nanaisin ang maparusahan ng isang Carl Angelo.

"Hala! Nakalimutan ko pala magpaalam kay Ate Caren. Pasensya na dahil masyado lang akong na-excite na makapunta dito kaya nawala sa isip kong magpaalam. Pero pangako hindi kita tinatakasan. Plano ko talagang magpaalam kanina," paliwanag niya dito pero hindi nagbago ang ekspresyon at emosyon sa mukha ni Angelo. Seryoso pa rin itong nakatingin sa kanya na parang hindi nito tinatanggap ang paliwanag niya. Patay siya nito..

Bahagya niyang nakagat ang labi dahil sa kabang nararamdaman at doon natuon ang atensyon ni Angelo. May kumislap na kung anong emosyon sa mata nito at nagtiim din ang bagang nito na lalong ikinakabog ng dibdib niya dahil sa kaba.

"Tatanggapin ko ang paliwanag mo pero pagkatapos kong gawin ito, honey," anas nito at napasinghap na lang siya kasabay nang pamimilog ng kanyang mata dahil mabilis nitong inangkin ang labi niya.

Gulat at hindi makapaniwalang nakatingin siya dito pero unti-unti ring pumikit ang kanyang mga mata katulad nito nang simulan ni Angelo na igalaw ang labi. Bahagya rin nitong kinagat ang kanyang labi na ikinasinghap niya. Kinuha nito iyong magandang pagkakataon para mas palalimin ang halik na iginagawad nito sa kanya.

Para siyang nauubusan ng lakas sa bawat paggalaw ng labi nito at wala siyang ibang nagawa kun'di ang magpaubaya dito. Hindi niya magawang gantihan ang halik ni Angelo dahil hindi niya alam kung papaano. It was her first kiss, not counted nang ninakawan siya nito ng halik noong mga bata pa sila. At wala rin siyang makapang pagtutol sa dibdib niya sa ginagawa nitong pag-angkin sa kanyang labi.

"Y-you kissed me.." hindi makapaniwalang anas niya nang humiwalay ang labi nito sa kanya. Habol nila ang paghinga at bakas ang kislap ng kasiyahan sa mata nito habang nakatingin sa labi niya bago sinalubong ang kanyang mga mata.

"Yeah.. And your lips taste sweet, honey. I want more, Vanessa. Can I?" he huskily said at hindi niya alam pero parang nahipnotismo siya nito dahil natagpuan na lang niya ang sariling tumatango bilang sagot. At napasinghap na lang siya ng muli nitong angkinin ang kanyang labi. Mapang-angkin, mapangahas at mapusok siya nitong hinalikan.

"Hhmm.."

Hindi niya napigilan ang kumawalang daing sa labi niya lalo na nang bumaba ang kamay nito sa kanyang pang-upo at mas idiniin siya sa katawan nito. Mas naramdaman niya ang kahandaan nito at pakiramdam niya ay tila mas naging matikas iyon.

"Kiss me back, honey.." utos nito habang patuloy na inaangkin ang labi niya pero hindi niya alam kung paano. Idagdag pa na napakabilis at napakapusok ng paghalik nito at hindi niya alam kung kaya niyang sabayan 'yon. "Kiss me back, Vanessa. Or else I'm gonna take you here right now sa ayaw at sa gusto mo." dagdag nito at bahagyang humiwalay sa kanya. Habol nito ang paghinga at matiim itong nakatitig sa kanya. Ramdam niya ang medyo pamamanhid ng kanyanag labi dahil sa paghalik na ginawa nito.

"P-pero di ko alam kung paano humalik," nahihiyang anas niya at nag-iwas ng tingin dito. Hindi naman siya katulad nitong parang marami ng karanasan pagdating sa bagay na iyon dahil hindi niya itatanggi na magaling itong humalik. Nakakadala at parang gusto pa niya.

"It's okay, honey. Just move your lips dahil kahit ako wala pang karanasan pagdating sa bagay na ito. It's also my first kiss kaya patas lang tayo," anas nito habang magaang pinapatakan ng halik ang labi niya.

Tila inaakit siya nito at effective iyon dahil unti-unti niyang hinahabol ang labi nito hanggang sa tuluyan nitong sakupin ang labi niya at natagpuan na lang niya ang sariling tinutugon ang halik ni Angelo.

Hindi siya makapaniwala na 'yon din ang first kiss ni Angelo katulad niya dahil parang bihasa na ito sa bagay na iyon and she liked the way he kissed her. Masarap at malambot ang labi nito at hindi niya maiwasan ang makagat iyon pero parang hindi 'yon napapansin ni Angelo. O mas tamang sabihin na hindi nito iyon binibigyang pansin dahil hindi pa siya marunong pagdating sa ganung bagay.

Sinundan at ginaya niya ang mabagal na paggalaw ng labi nito at nakaya naman niyang pantayan ang intensidad ng halik ni Angelo. Hanggang sa unti-unti 'yong naging mapusok at malalim at nahirapan siyang tugunin iyon. Idagdag pa na naging agresibo at mabilis ang pag-angkin nito sa labi niya na parang nanggigigil ito sa ginagawa niyang pagtugon.

"Angelo!" gulat na anas niya dahil sa bilis ng pangyayari ay natagpuan na lang niya ang sariling nakasandal sa bato habang patuloy nitong inaangkin ang labi niya.

Hindi na niya magawang tugunan ang halik nito dahil tila nawalan na nang control si Angelo. Ramdam na rin niya ang pamamanhid ng kanyang labi at bahagya siyang nangamba nang ipulupot nito ang binti niya sa bewang nito at naramdaman niya ang kahandaan nitong nakadiin sa kanya. Bahagya siyang napasinghap nang igalaw nito ang balakang at malakas niya itong itinulak nang maramdaman ang kahandaan nitong kumikiskis sa nasa pagitan ng kanyang mga hita. Oh gosh!

"f**k! f**k! f**k!" Sunod-sunod ang murang kumawala sa bibig nito at bahagya siyang nakaramdam ng takot sa kaharap.

Sinabunutan din nito ang sariling buhok at nayakap niya ang sariling katawan nang tumingin ito sa kanya. Namumula ang mukha nito at bakas ang halo-halong emosyon sa mata ni Angelo pero mas nangingibaw doon ang kagustuhang maangkin siya.

"S-sorry.. Hindi pa kasi ako handa. Pero pangako, sayo ko lang ibibigay ang katawan ko pero hindi muna ngayon. Hintayin mo mun—"

"Ssshh.. It's okay, honey. Naiintindihan ko and I'm sorry kung natakot kita. Nadala lang ako at medyo nawala sa control. Handa naman akong maghintay hanggang sa maging handa ka na," anas nito na ikinahinga niya ng maluwag. Nawala din ang pangamba at takot na nararamdaman niya dahil sa mga sinabi ni Angelo.

Nanatili siyang nakasandal sa bato habang nasa harap niya ito. May maliit na espasyo sa pagitan nila pero halos ramdam pa rin niya ang init na nagmumula sa katawan nito. Hanggang leeg niya ang tubig at hanggang dibdib lang iyon ni Angelo dahil matangkad ito kumapara sa kanya.

Napatuwid siya ng tayo nang itukod nito ang mga braso sa batong sinasandalan niya. Nakulong siya sa mga bisig nito at hindi siya makaiwas nang muli nitong idikit ang katawan sa kanya dahil na-corner siya nito sa bato.

Ramdam na ramdam niya ang matigas na katawan nito at ang init na nagmumula doon. Hindi sapat ang lamig ng tubig para matupok iyon at sa hindi malamang dahilan ay parang nag-iinit din siya sa tuwing nagdidikit ang katawan nila ni Angelo. Parang nadadala at nadadarang siya sa init na hatid nito. Masarap sa pakiramdam pero pilit niyang nilalabanan.

Unti-unting lumapit ang mukha ni Angelo sa kanya habang nakatitig ito sa kanyang labi. Pigil naman niya ang paghingang hinintay ang muling paglalapat ng labi nila at kusang pumikit ang kanyang mga mata pero agad din siyang nagmulat ng malakas na tumunog ang kanyang tiyan. Sobra ang hiyang naramdaman niya dahil narinig iyon ni Angelo. At napuno ng malakas na halakhak nito ang buong lugar na lalong ikinapula ng kanyang mukha.

"Did you bring food for lunch? O kahit snacks lang?" nakangiting anas nito matapos nitong makabawi sa malakas na pagtawa. Amuse itong nakatingin sa kanya at namumula pa rin ang kanyang mukha dahil sa pagkapahiya. Bakit kasi panira ng moment ang tiyan niya? Galing ng timing. Tss..

"May dala ako. Good for two naman 'yon kaya magkakasya 'yon sa atin." Hindi siya makatingin dito ng diretso at narinig niya ang mahina nitong pagtawa na tila aliw na aliw sa kanyang reaksyon.

Hinawakan nito ang mukha niya at iniharap sa gawi nito bago siya muling hinalikan. Marahan lang ang bawat galaw ng labi nito na tila ninanamnam ang labi niya. Bahagya rin nitong kinakagat at sinisipsip iyon at may kumawalang daing sa bibig niya dahil sa hindi maipaliwanag na dulot no'n sa kanya.

"Good. Siguraduhin mo lang na mabubusog ako sa dalang pagkain mo. Dahil kung hindi.. ikaw ang kakainin ko," pilyong anas nito matapos siya nitong halikan bago ito lumangoy palayo sa kanya. Habang siya naman ay kunot-noo at bahagyang natigilan sa kanyang pwesto. At pilit na pino-proseso ang sinabi ni Angelo.

Siya? Kakainin? Kailan pa siya naging pagkain?

Napailing na lang siya dahil hindi niya maintindihan ang sinabi nito. Sinundan na lang niya ito dahil sa sobrang nagugutom na siya. Minsan talaga ay hindi niya agad makuha ang kahulugan ng ibang sinasabi ni Angelo. Lalo na pagdating sa kapilyohang taglay nito.