"Palit tayo ng upuan," utos niya kay Nicholai dahil ayaw niyang makatabi si Hope. "Doon ka sa tabi ni Hope."
Kung ano-ano kasi ang gusto nitong ipagawa sa kaniya.
Mantakin mo ba namang gusto nitong ipahawak sa kaniya ang dalawa nitong dibdib sa gitna ng daan. Tama ba 'yon?
"Bakit?"
"'Wag ka nang magtanong basta lumipat ka sa tabi niya. Kapag hindi ka pa lumipat, ikaw ang magbabayad ng mga kakainin niyo. Ano, ayaw mo?"
"Ang arte mo talaga! Akala mo naman virgin pa!" Nang akmang hahampasin niya ito ng upuan ay mabilis pa sa alas-kuwatro na tumabi ito kay Hope.
Siya ang namili ng kakainan nilang tatlo dahil kung ang dalawa ang masusunod ay siguradong hindi na naman siya makakakain.
Pinili niya ang unli buffet para mabusog ang dalawang kasama niya dahil kanina pa mga nagrereklamo an
