Ngayon niya napatunayan na mali ang iniisip ni Tita Margarita sa anak nitong si Kazimir.
Kahit ano kasing panunukso ang gawin niya ay hindi talaga ito bumibigay.
Ang tunay niyang hitsura ay ibinulgar niya na rin pero parang walang epekto iyon sa lalaking katabi niya.
Mas lamang pa nga ang inis nito sa kaniya kaysa sa maakit ito.
"Ang lamig," parinig niya kunwari.
Ang akala niya ay yayakapin siya nito pero narinig niya itong mahinang nagmura at pagkatapos ay binuksan nito ang ilaw at may kung anong kinuha sa closet nito.
Pagbalik nito ay may mga dala-dala na itong makakapal na kumot at ipinulupot ito sa kaniya kaya naman natawa siya.
"Siguro naman hindi ka na lalamigin? Paano ako makakatulog kung napakaingay mo?"
"Yakap ang kailangan ko hindi 'tong kumot mo. Sige na, alisin mo
