"Bakit malungkot ka?" tanong niya kay Kazimir nang makita niya itong nakaupo sa kama nito habang nakayuko. "'Di ba dapat masaya ka ngayon?"
Birthday kasi nito ngayong araw. Kaya siguro ito malungkot ay dahil iniisip nito na hindi darating ang mga kaibigan nito.
Ang totoo niyan, hindi siya natulog magdamag ganoon din ang mga kaibigan nito dahil naghanda sila ng isang simpleng salo-salo para kay Kazimir.
Tinawagan niya si Tita Margarita pero napag-alaman niya na nasa America pala ang ginang kaya silang lima lang ang magsi-celebrate ngayon kung sakali.
"Maligo ka, labas tayo." Tapos na kasi siyang maligo at nakabihis na rin. Ito na lang ang kulang para masimulan na nila ang party.
Sinabi niya kina Nicholai, Genesis at Francis na 'wag munang magpapatugtog para hindi makahalata si Kazi
