"Sir Kazimir, lasing ka na. Tama na 'yan," nag-aalalang wika niya rito. Ang mga kaibigan kasi nito ay nakahiga na at tulog na rin samantalang itong amo niya ay maghapon nang uminom pero gising pa rin. "Ni hindi na nga kayo makakita ng maayos, eh. Duling na kayo, oh."
"Ayos lang ako. 'Di pa nga ako tinatamaan ng alak, eh."
"Anong hindi ka pa tinatamaan? Kung saan-saan ka na nga umiihi, eh!" sikmat niya. Halos lahat na yata ng puno rito sa ibaba ay inihian na nito, eh. "Kapag may punong namatay kayo ang may kasalanan."
Mabuti na lang at medyo malayo-layo sila sa pinagtaniman nila ng gulay dahil kung hindi ay baka namatay na ang mga iyon dahil sa kaiihi nito.
"Sinisilipan mo ba ako?"
"Hindi 'no! Nakatalikod kang umihi kaya paano kita masisilipan?"
Hinatak nito ang damit niya kaya napau
