"Puwedeng pumasok?" tanong niya kay Kazimir.
Hindi pa man ito pumapayag ay sumampa na siya sa kama nito habang may dala siyang isang malaking popcorn at dalawang piraso na solo pack ice cream.
"Tig-isa tayo," wika niya sabay abot ng isang solo pack ice cream dito.
Nagtitipa si Kazimir sa laptop nito nang maisipan niya na buksan ang tv nito para manood ng movie kaysa sa istorbohin ito sa ginagawa nito.
"Manonood lang ako, ah. Promise, hindi ako mag-iingay."
"Saan mo binili 'yan?" turo nito sa mga pagkain na hawak-hawak niya.
"Sa labasan."
"Lumabas ka kanina?"
Tumango siya. "Oo."
"Bakit hindi ka nagpaalam sa akin?"
"Busy ka, eh." Nang pumasok kasi ito sa bahay nito pagkatapos nilang magtanim ay mabilis siyang tumakbo sa labasan para bumili ng ice cream at popcorn.
"Kahit na. Sa
