"Good morning, Dude!" matamlay na bati ni Samaniego. Ang hitsura nito ay daig pa ang namatayan ganoon din ang dalawa niya pang kaibigan.
Kumakain na ng almusal ang tatlo pero si Hope ay hindi niya namataan roon.
"Kulang yata kayo ngayon. Nasaan 'yong isa?" takang tanong niya. Lagi kasing magkakasama ang apat na 'to kaya nagtaka siya ngayon na wala ang babae.
"Naglalaba siya, Dude. Mamaya na raw siya mag-aalmusal pagkatapos niyang maglaba," tugon ni Samaniego. Ngayon niya lang napansin na parang aakyat sa bundok ang mga kaibigan niya.
"Saan kayo pupunta? Daig niyo pa ang mag-aani ng palay, ah!"
"Balak naming manguha ng mga prutas dito sa lupain mo," balewalang tugon ni Genesis.
Dahan-dahan siyang umupo sa harapan ng tatlo niyang kaibigan. Ngayon niya lang nakita na nalungkot ang mga
