"Saan na naman kayo pupunta?" tanong niya kay Hope at kay Samaniego na magkasunod na bumababa sa hagdan. "Mukha kayong gagawa ng krimen, ah. 'Yong hitsura niyong dalawa ay parang nagsasawa na kayo sa buhay niyo dito sa labas kaya gusto niyong pumasok sa loob ng kulungan, ah."
Si Samaniego ay daig pa ang nakipag-boxing pero wala namang napalunan na premyo dahil hanggang ngayon ay namamaga pa rin ang mukha nito dahil sa katangahan na ginawa nito kahapon.
Ang sekretarya niya naman ay animo'y araw-araw itong makikipaglibing dahil sa hitsura nito.
Nagsama na naman ang dalawang salot sa buhay niya na para bang maghahasik ito ng lagim sa labas araw-araw.
"Sasamahan ko siya na bumili ng bagong panty at bra diyan sa malapit, Dude," tugon ni Samaniego na para bang ang ganda ng gising nito sa kab
