"Sa tingin niyo po ba may magmamahal sa akin kapag hindi na ako mangkukulam?" tanong nito.
"I think so."
"May pag-asa po ba na mahalin niyo ako kung sakaling hindi na ako mangkukulam?"
Napatikhim siya. Halatang hinihintay nito ang isasagot niya.
"Siguro."
"'Yan po ang pinakamasarap na narinig ko sa buong buhay ko," wika nito. "Pagkatapos nating kumain, umakyat na po tayo sa library niyo."
"B-bakit? Ano'ng gagawin mo roon?" takang tanong niya.
"Eh, 'di magtatrabaho po. Alam ko kasi na nagtatrabaho kayong mag-isa roon kapag naglalaro kami ni Sir Nicholai, eh. Pasensiya na po kayo kung hindi ko nagagampanan madalas ang pagiging sekretarya ko pero ngayon at sa mga susunod na araw ay babawi po talaga ako sa inyo," seryoso nitong sabi.
Hindi naman niya hinihiling na bumawi ito.
Sapa
