"Dude, ba't nangingitim 'yang gilid ng mga mata mo? Nag-aadik ka ba?" Hanggang ngayon kasi ay hindi pa siya natutulog dahil sa kakulitan ni Hope.
Sa katunayan nga niyan ay iniwan niya ito sa library niya habang natutulog.
Nakatulugan kasi nito ang pangungulit sa kaniya.
At dahil napakaikli ng suot nitong short ay pumunta pa siya sa kuwarto niya para lang ikuha ito ng kumot para matakpan ang balat nito.
"P'wede mo ba akong ipagtimpla ng kape?" inaantok niyang pakiusap dito. "'Wag mong masyadong tapangan para makatulog agad ako."
"Kung kailan naman hirap akong kumilos saka ka pa utos nang utos. Tangina! Kailan kaya gagaling 'tong mukha ko? Habang nagpapagaling ako ay nag-iisip ako ng paraan kung paano matatalo 'yang sekretarya mo, Dude. Sa susunod na maglalaro kami ay hindi ko na si
