"Ba't hindi ka pa natutulog?" tanong ni Nicholai sa kaniya nang makita siya nitong nakaupo sa mahabang kahoy na ginawa nila kanina. "May gumugulo ba sa iyo?"
"Nasaan si Kazimir?" sa halip ay tanong niya. "Tulog na ba?"
"Nandoon sa library nagtatrabaho. Hinatiran ko nga ng kape tapos sinigawan pa ako."
"Siguro dahil sa ginawa natin kanina." Nagalit kasi ang amo niya pag-uwi nila kanina dahil sa ginawang pagtawad nila ni Nicholai sa mga paninda sa labasan.
Ang hindi alam ni Kazimir ay binalikan nila ang tindera at binigyan nila ito ng limang libo pandagdag sa puhunan nito at para humingi na rin ng pasensiya.
"Gusto mo bang uminom tayong dalawa? May beer pa sa ref. Ano, gusto mo ba?"
Tumango siya. "Isang bote lang para hindi tayo malasing."
"Sure!" Tumayo ito at iniwan siya sandali pa
