"Saan kayo pupunta?" tanong ni Kazimir sa kanila ni Nicholai.
Nang matapos kasi silang magligpit ng mga naging kalat kahapon ay napagpasyahan nila na kumain ng barbeque sa labasan.
Isasama nga sana nila sina Genesis at Francis kaya lang tumanggi ang dalawa dahil nga nakakatamad daw maglakad.
"Sa labasan lang, Dude," tugon ni Nicholai. "Maglalakad-lakad lang."
"Hapon na, ah. Ba't aalis pa kayo?"
"Maglalakad-lakad nga. Nag-birthday ka lang naging bingi ka na."
"Ba't kayong dalawa lang? Nasaan 'yong dalawa?"
"Natutulog sa tent. Doon na yata titira ang mga gagong 'yon, eh. Ni hindi man lang kami tinulungan na maglinis ng mga inutil na 'yon."
Kahit kasi hinatak-hatak ni Nicholai ang paa ng dalawa ay hindi talaga bumangon ang mga ito dahil kaya na raw nila iyon.
"Maglalakad-lakad lan
