Masakit na katawan kinabukasan ang gumising sa akin. Naririnig ko ang kalampag sa kusina, kaya kahit masakit ang katawan ko ay pilit akong bumangon.
"S-torm..." halos hindi pa makaalpas sa bibig ko iyon. Nagpapaypay sa kalan ang lalaki. Pawisan ito kahit umagang-umaga.
"Bakit bumangon ka na?" takang ani nito sa akin. Agad binitiwan ang pamaypay saka lumapit sa akin.
"Anong oras na? May pasok pa ako, Storm."
"May bagyo. Kita mo naman ang lakas ng ulan at hangin, oh." Napatingin ako sa labas. Totoo naman ang sinabi nito. Malakas talaga ang ulan.
"Pero may pasok---"
"Nagkansela na ng pasok ang mayor."
"Paano mo nalaman?"
"Itinawag sa akin. Maupo ka muna." Iginiya n'ya ako patungo sa upuang kahoy. Saka siya bumalik sa ginagawa.
"What are you doing, Storm?"
"Naglalaga ako ng saging. D
