"Okay na ang lahat. Salamat, Ma'am Anais. Maayos ang lahat bago ka umalis." Trinabaho ko talaga ang lahat, para kapag umalis ako'y walang maging problema.
"Thank you rin po, Ma'am Susane." Yumakap ang guro sa akin. Lahat ng mga quizzes at exam ay maayos na naka-record. Pati na iyong mga output nila at performance ay iniayos ko na rin na ikinagalak ng guro.
"Kapag hindi ka na busy sa thesis mo ay pasyal-pasyalan mo ako. Tiyak na matutuwa ang mga naging estudyante mo rito na makita ka."
"Opo, ma'am. Salamat po ulit sa inyo."
Dala ko na ang lahat ng mga gamit. Actually nasa tricycle nang inarkila ko.
Nandoon na rin si Silong at Andeng na sasamahan akong mag-uwi sa bahay.
Nang lumabas na ako ay agad akong kinawayan ni Silong. Kumaway naman ako bago naglakad patungo sa tricycle kung
