"L-ola, iyong anak ko po?" tanong ko sa matanda na siyang nakita ko paggising ko. Luminga-linga rin ako. Nakita ko sa kabilang hospital bed si Andeng. Si Tata Simo naman ang naroon at umaasikaso rito.
"Mamaya ay ihahatid dito." Seryosong ani ng matanda.
"P-aano n'yo po nalaman?" tanong ko.
"Iyong tricycle driver na sinakyan n'yo ay hinanap ako sa barrio. Kaya nalaman kong dinala kayo rito ni Andeng."
Napansin ko ang mga gamit namin sa paanan ng hospital bed.
"Salamat po sa pagpunta, la."
"Anais, kumusta ang pakiramdam mo?" tanong ni Andeng. Mukhang pagod na pagod ang itsura nito. Tiyak kong gano'n din ang itsura ko ngayon. Pero parehong may nakaguhit na ngiti sa labi namin.
"Masakit ang braso ko, Andeng. Pakiramdam ko'y pagod na pagod ako."
"Gano'n talaga, Anais." Seryosong ani ni
