"Magsaing ka na. Anong oras na ngayon ka pa lang bumalik? Saan ka galing?" inabutan ko si Pamara sa kusina ng kubo. Kumakain ito ng noodles, iyong hilaw. Wala na si Lola. Tiyak nasa mansion na ito.
"Hindi po ako nagugutom. Pero kung gutom po kayo ay ipaghanda n'yo ang sarili n'yo. Matutulog na po ako." Akmang papasok na ako sa silid nang tumayo ito at humarang sa daan ko.
"Ayusin mo iyang asta mo, Anais. Hindi ka pa guro. Huwag ka munang magmataas sa akin." Masungit na ani ng ginang.
"Hindi po ako nagmamataas sa inyo." Cold na ani ko. Sabi ni Storm ay kausapin ko. Kaninang pauwi ako'y buo na ang desisyon ko na kausapin nga ito at pakinggan ang paliwanag n'ya. Pero dahil ganito ang bungad ay agad kong nakalimutan ang nabuo kong desisyon pagkatapos kong nakipagtalik sa nobyo ko.
"Anong
