Sabado. Abala ako sa pagwawalis. Maaga talaga akong gumising para matapos agad ang mga gawain sa kubo. Pagkatapos kong magwalis ay binalikan ko ang mga nakababad kong mga labahin at iyon ang inasikaso ko. Medyo tambak na kaya kailangan na talagang labhan ngayon.
Nag-almusal naman na ako. Iyong kamote kagabi ay ininit ko lang.
Pati mga labahan nila Lolo at Lola ay kasama na rin sa labahan ko. Pagsapit ng alas-12 ay tapos na ako. Nakapagsampay na rin.
Pagod na pagod ang katawan ko. Pero tuloy pa rin ang pagkilos. Ngayon ay instructional materials ang pinagkakaabalahan ko.
Mamayang gabi na iyong thesis. Ito muna.
Pagpatak ng 3 pm ay naglalakad na ako patungo sa falls. Hindi ko sure kung makikita ko roon si Storm pero nagbakasakali pa rin ako.
"Hoy, Anais!" nagulat ako kay Andeng na naka
