"Magandang umaga, Lolo Jun!" bungad ko sa aking Lolo na kararating lang. Inabutan na ako nitong nagluluto ng para sa almusal. Tuyo lang naman at sinangag na kanin ang balak kong ihanda. Para mabilis lang at makapunta na ako sa falls.
Iyong mga dapat gawin ko ngayon sa mansion, ay ginawa ko na kagabi. Inabot ako ng alas-12 ng gabi. Pero iba ang motibasyon ko. Iyong task na dapat kong gawin ngayong araw ng linggo ay nagawa ko na kagabi. Nagulat nga ako sa sarili ko. Sobrang active ng utak kahit hatinggabi na.
Kaya ang natira na lang ay iyong visual materials ko na pwede kong tapusin mamayang hapon o gabi. Kaunti na lang din naman ang kailangan isulat.
"Magandang umaga rin, apo." Agad kong binitiwan ang sandok na hawak ko. Saka lumapit at nagmano sa matanda. "Nagpadala ng ulam ang Lola mo.
