Daxon's Lust and Romance [SPG]

10. BUTTERFLY

TAPOS na ang klase nang dumiretso kami ng kaibigan kong si Alexa sa gymnasium. Kasama ko kasi siya sa cheering squad. Nagmadali na kaming magtungo sa gymnasium dahil late na kami ng 20 minutes. Pagpasok namin sa loob, yung kumpulan ng mga kasama namin ang bumungad sa paningin ko. Nasa isang bench sila at nagtatawanan. Akala ko naman kung ano ang pinagkakaguluhan nila, iyon pala ay naroon si Daxon na kausap nila. Malapad rin ang ngiti niya habang sinasakyan ang biro ng mga kasama ko sa squad. Tinext ko siya kanina para sabihing tatawagan ko na lang siya pagkatapos ng practice para hindi na siya magtungo rito dahil alam kong ganito ang mangyayari. Parati siyang narito sa tuwing may practice ako tapos yung mga kasama ko ay tuwang tuwa naman sa kanya. Palibhasa ay gwapo siya at malakas ang dating kaya itong mga mahaharot kong kasama ay panay ang papansin lalo na ang cheerleading captain naming si Barbie.

"Nandito na pala sila eh!" Sabi ni Tessa na cheerleader rin nang mapatingin sa amin ni Alexa.

"Sorry, we're late. Late na kasi natapos yung last subject namin." Pagdahilan ni Alexa. Napatingin naman sa amin si Dax. Lumapit ako sa kanya para ibigay ang bag at mga gamit ko kaya umalis na ang mga kasama ko sa harap niya.

"Sabi ko diba tatawagan na lang kita kapag tapos na ang practice namin." Nayamot kong sabi pagkaabot ko sa kanya ng bag ko.

"Okay lang naman na nandito ako. Malakas naman ako sa mga guard kaya allowed akong pumasok dito." Nakangiti siya at hindi ko alam kung bakit ako parang mas naiinis.

"Malakas o tinatakot mo?" I yelled at him.

"Grabe ka naman. E'di na-ban ako rito sa school niyo kung tatakutin ko yung mga guard. And besides aware sila sa condition mo kaya alam nilang kailangan kitang bantayan." Mariin niyang sagot. Hindi na lang ako nagsalita pa at inayos na lang ang sintas ng sapatos ko.

"Dax, can you tie my shoelaces?" Napatingin ako kay Barbie nang lumapit siya kay Dax. Pinatong niya ang isang paa sa bench sa tabi ni Dax para ipatali ang sintas ng sapatos niya. Agad namang sumunod si Dax. Yung ngiting ngiti si Barbie na parang isang barbie doll pero sa totoong buhay ay para siyang si chucky dahil sa nakakaasar niyang ugali. Ganito siya everytime nandito si Dax at alam ko namang nagpapacute lang siya.

Matapos kong itali ang sintas ko ay umalis na ako doon at pumunta na sa gitna ng court kung saan naroon ang mga kasama ko. Narinig ko pang naghagikgikan ang dalawa bago ako umalis at feeling ko ay kumulo ang dugo ko. Kung makatawa si Dax feeling niya wala siyang girlfriend. Napakaharot rin talaga ng hambog na lalakeng yun.

"Anyare sis?" Tanong ni Alexa paglapit ko sa kanila. Nagwa-warmup sila kaya gumaya na rin ako nang marelax ako.

"Ha? Wala!" Sagot ko.

"Okay nakasimangot ka kasi eh akala ko bwinisit ka na naman ni Barbie!" Agad na sabi ni Alexa. Alam niya kasing pinag-iinitan ako ni Barbie at hindi ko naman din talaga alam kung bakit ganun siya sakin. Siguro malaki lang talaga ang inggit niya sa akin dahil wala siyang panama sa beauty ko.

"Okay girls, let's start!" Malakas na wika ng choreographer at coach namin. Umayos naman kami at luminya na.

Namumula ang mukha ni Barbie nung luminya siya sa tabi ko. Nagba-blush siya at parang kinikilig. Ano kayang pinag usapan nila ni Dax at ganito ang reaction niya?! Wala naman dapat ako pakealam kung ano man yun pero hindi ko makontrol kung bakit ako naiinis ng ganito, kanina ko pa rin nararamdaman ito mula ng pumasok kami sa gymnasium. Pinilit kong pakalmahin ang isip ko at nagfocus na lang sa pagsayaw.

Pansin ko ang mga mata ni Dax na nakatuon sa akin habang nakaupo siya sa bench at sumasayaw ako. Ganito naman siya parati pero parang ngayon lang ako nailang na nakatitig siya sa akin. Na-conscious ako and I can't explain why I felt strange that he was staring at me.

Mapungay ang mga mata niya habang pinapanood ako na walang pinag iba sa tingin ng mga lalaking may paghanga sa akin, at kung bakit ba para akong kinikilig sa ganung klase ng tingin niya.

Teka bakit nga ba ako kinikilig!! Nakita ko siyang may ka-s ex kahapon tapos nakikipagharutan siya kay Barbie kaya walang nakakilig sa kanyang f uckboy siya.

"Aray!" Natigil kami sa pagsasayaw ng sumigaw si Barbie. Hindi ko kasi sinasadyang masipa ang binti niya.

"Sorry!" Paghingi ko ng paumanhin kahit hindi ko naman yun sinasadya.

"I know you meant to do that!" Maarte niyang sabi. Nagpanting naman ang tenga ko sa sinabi niya.

"Excuse me, nasa tamang formation ako. Ikaw yung lumihis ng linya kaya kita natadyakan." Asar kong sabi.

"Oh see tinadyakan mo ko and you did that on purpose!" Inirapan niya 'ko kaya mas lalo akong nag init. Napaka shunga niya na hindi na-gets ang sinabi ko. O gusto lang talaga niyang magpavictim at ako ang magmukhang masama. Magsasalita sana ako pero gumitna ang coach namin para awatin na kami.

"Macy, next time be aware of your teammate, whether you are in formation or not, okay!" Pangaral sa akin ni coach. Hindi naman ako nakapagsalita dahil hindi ko matanggap na kasalanan ko. Ano pa bang aasahan ko sa coach namin na favorite si Barbie na pamangkin ng may-ari ng University. Meron pa namang mas magaling sa Barbie na ito pero siya ang naging captain, kung tutuusin mas magaling rin ako sa kanya.

Kinalma ko ang sarili ko dahil wala naman akong magagawa. Nagpulasan ang mga kasama ko para uminom ng tubig kaya bumalik rin ako sa bench. Agad na inabot sa akin ni Dax ang aqua flask. Imbes na matuwa ay mas lalo naman akong nainis nang maalala ang pakikipagharutan niya kay Barbie.

"Are you okay?" Tanong niya matapos ko uminom ng tubig.

He gently wiped the water from the side of my lips with his thumb while looking at me, at pakiramdam ko ay parang kumabog ang dibdib. Nawala bigla ang pagkainis na kanina ko pa nararamdaman sa bilis ng pagtibok ng puso ko. Hindi ko alam kung kinakabahan o ninenerbyos ba ako pero bakit naman ako makakaramdam ng ganun. Feeling ko hindi ganun dahil masarap sa feeling. Kakaiba ito na ngayon ko lang naramdaman. I feel like I have butterflies in my stomach na napakasarap sa pakiramdam.

"Let's go, sis!" Tila ako natauhan nang yayain na ako pabalik sa gitna ng court ni Alexa. I took a deep breath to calm myself down saka ko inabot na kay Dax ang aqua flask. Hindi ko na lang siya tinignan pa pag alis ko sa harap niya.

♡