TAHIMIK lang ako habang lulan na ng sasakyan pauwi. Nakaupo ako sa front seat katabi ni Nick na siyang nagmamaneho, at kasama naman namin si Drew na tahimik lang nakaupo sa backseat.
Hindi ko masyadong narinig kung ano ang pinag-usapan nila kanina sa loob ng boutique dahil umalis din ako agad, pero bago ako umalis ay narinig ko ang pagtanong ni Drew kung seryoso ba ito sa pagpapakasal.
“P-Para saan po pala 'yung wedding gown na binili natin?” tanong ko na hindi na nakatiis pa.
Dahil sa tanong ko ay saglit akong nilingon ni Nick at nginitian. “Para sa 'yo, para may masuot ka sa kasal natin bukas.”
Natahimik na ako sa narinig na sagot. Ibig sabihin ay para talaga sa akin? Magpapakasal kami? Pero bakit? Bakit niya ako pakakasalan?
Parang bigla yata akong kinabahan.
Gustuhin ko man magt
