MAAGA akong nagising, malalim pa ang paghinga ni Nick, tulog na tulog pa. Para hindi ko ito magising ay maingat na lang akong bumangon at bumaba na ng kama.
Naghilamos at nagsipilyo lang ako sa loob ng bathroom bago humanap ng kumportableng bihisan.
Matapos magbihis ay lumabas na ako at bumaba, pumasok naman ng kusina para maghanda ng almusal.
Hindi ko alam kung ano ang dapat kong lutuin para sa almusal ngayong umaga dahil hindi ko naman alam kung ano ba ang gusto ni Nick kainin sa umaga. Pero bahala na, basta ang mahalaga ay may nakahanda akong almusal para paggising niya ay puwede siyang kumain kung gusto niya.
Niluto ko na lang ang kaya kong lutuin; nagprito lang ako ng itlog at nagtusta ng bread, nagtimpla na rin ako ng isang tasa ng kape. At dahil gusto kong kumain ng lugaw ay nag
