TANGGAP KO NA.
Oo, tanggap ko na wala na akong kawala.
Tanggap ko na kung ito na talaga ang kapalaran ko, wala na akong magagawa kundi ang tanggapin na lang at tuluyan nang magpakaalipin para mabuhay.
Suot ko na ang wedding gown at tapos na akong ayusan ng makeup artist na kinuha ni Nick.
Ikakasal na ako ngayong araw, pero mas lalo akong kinakabahan.
Mula kagabi ko rin dinibdib ang balak ko sanang pagtakas nang bigyan ako ni Drew ng pagkakataon, pero hindi ko nagawa dahil nakita ako ni Nick at naabutan, mabuti na lang ay agad akong nakapagpaliwanag bago pa nito isipin na balak ko siyang takasan.
Pagkakataon ko na sana 'yun, pero pumalpak pa.
“Hazel.”
Natauhan ako mula sa pagtitig ko sa salamin nang marinig na ang pagtawag ni Nick mula sa labas.
Napagpasyahan kong lumabas na.
Pag
