NAKABIHIS na ako ng gold sequin backless dress at palakad-lakad lang sa loob ng kuwarto ko para hintayin ang pagdating ng sasakyan ng mga friends ko.
Mahirap na kung si Aless lang ang makakasama ko sa sasakyan, siguradong gagantihan niya ako; kaya naman para safe ay naisip ko na lang magpasundo sa mga kaibigan ko para doon na lang ako sa kanilang sasakyan sumakay.
Mabilis kong dinampot ang phone ko nang tumunog ito.
From Tyra: Malapit na kami, Trine. OMG. Excited na kaming makita kung gaano ka luxury ang mansion ng boyfriend mo!
Nang mabasa ang mensahe ay mabilis ko nang dinampot ang aking handbag. Umikot pa ako sa salamin at tiningnan ang sarili ko; nang makitang okay na ay lumabas na ako ng kuwarto ko.
Pagbaba ko ay nagpalinga-linga pa ako sa paligid ng mansyon, pero hindi ko makit
