Chapter 34
Hanna
"Hindi ako uuwi hangga't hindi ko dala ang anak ko. Parang awa mo na sabihin mo sa akin saan si Angelo. Dexter, kailangan ako ng anak ko. Pakiusap ibalik mo na siya sa akin," pagmamakaawa ko sa kanya.
Subalit tumawa lang siya ng pagak.
"Binalaan na kita noon, Hanna. Sinabihan na kita na hiwalayan mo si Xian, pero mas pinili mo pa rin siya at tinangay mo pa ang anak ko. Ngayon alam mo na ang pakiramdam kung paano malayo sa anak mo. Naintindihan mo na kung ano ang nararamdaman ko noong tinakas mo sa akin si Angelo!" galit pa nitong sabi sa akin.
Hindi ako makasagot sa panunumbat niya.
"Bakit hindi kayo gumawa ng anak ninyo ni Xian. Total, patay na patay ka naman sa kaniya, hindi ba?" pangungutya pa nito sa akin.
Nakita ko la
