Kanina pa ako nakaligo at nakapag bihis pero hindi pa rin ako mapakali. Ang sabi kasi ng lalaking nagpakilala sa akin bilang Jared Mijares ay sabay na kaming kumain ng dinner! Mukhang nagluto na siya ng dinner kaninang naliligo ako dahil pagsilip ko sa kusina ay wala na siya doon pero may nakahanda ng mga pagkain sa hapag!
Hindi ko alam kung saan siya. Nang sumilip ako doon ay wala siya. Hindi kaya pumasok muna siya sa kwarto at naghihintay lang na lumabas ako?
Pero bakit naman kasi kailangan pa kaming magsabay na kumain? Pwede namang mauna na siya kanina pagkatapos niyang magluto! Bakit ba kailangan na hintayin niya pa ako?!
Muling napaupo ako sa kama habang nakatitig sa pinto ng kwarto. Kanina pa ako nagugutom pero parang ninenerbiyos ako kapag naiisip ko na magsasabay kaming kumain n
