Nakaramdam ako ng kakaibang kutob sa kinikikos ni Althea. Buong araw ko naramdaman na hinahabol niya ako ng tingin. Hindi iyon tingin na isang paghanga kundi para bang minamatyagan ako.
Hindi kaya nagtatampo pa rin siya dahil sa biglaan pamamalita ko na may girlfriend ako at pagtanggi ko na iharap sa kanila ito?
"Dalhin mo ito sa presidente ng Student Council." Malamig na pag-utos sa akin ni Tito Aidan at ipinatong sa braso ang isang tambak na mga papeles.
"L-Lahat p-p-po ito?" Gulat kong sambit.
Nakalimutan ba ni Tito Aidan na nasa kabilang dako ng akademya ang opisina ng Student Council? Baka kapag dinala ko ang ganitong karaming papeles at baka bukas na ng umaga ako makarating doon.
"Tss. Oo. LAHAT ng iyan." Walang konsiderasyon na pagkumpirma ni Tito Aidan sa kanyang inuutos sa ak
