Tulala ako na nakalabas sa opisina ni Principal Sentiene. Hanggang ngayon ay hindi pa rin ako makapaniwala sa klase ng mahika na tinataglay ko.
Tinignan ko ang aking kamay bago mahigpit na ikinuyom at hinalikan iyon. Ito na ang matagal ng sagot sa aming pino-problema.
Napakasaya ko dahil nakahanap kami ni Principal Sentiene ng paraan bago mahuli ang lahat. Makakapamuhay na muli ng normal si Erah sa oras na magtagumpay kami.
Iyon nga lang ay kakaunti na lang ang natitirang oras...
Kailangan ko magsimulang magsanay sa lalong madaling panahon para magawa kong mailabas at makontrol ang aking mahika bago pa maubusan kami ng oras ni Principal Sentiene.
"Tss." Galit na bulalas ni Tito Aidan nang makabalik ako ng kanyang opisina.
Nang marinig ang baritonong boses ni Tito Aidan ay doon bumal
