Kinabukasan...
Hindi namin inaasahan na papasok nga si Cipher na tila walang nangyari. Kung umasta ito ay normal at walang tinatagong malaking lihim sa aming lahat.
Nagkapalitan kami ng tingin nina Laycka at parehong hindi namin maiwasang magkaroon ng pagdududa sa kanya. Lalo na wala kami makitang pagsisisi o pagkailang sa kanyang kilos habang kasama kami.
Hindi ko tuloy magawang dikitan si Cipher katulad ng nakagawian kong gawin. Nakakatawa lang na ako pa ang nakakaramdam ng pagkailang sa mga oras na ito.
Nararamdaman ko naman ang pagsiko sa aking tagiliran ni Glacier para ipaalala na may misyon kami na kailangang gawin kaya kung iiwasan ko si Cipher ay mahihirapan kami makakuha ng impormasyon. Pasimple niyang nginuso pa sina Haze at Con na nakakahalata na sa kakaiba kong inaasta. Ka
