Hindi na rin naman ako nakapagpahinga ng oras na iyon. Masyado ata akong natuwa sa mga salitang narinig mula kay Avion na kung umasta ako ay akala mo magaling na iyong ilong ko.
Nagdesisyon akong bumangon na lang at bumaba na sa unang palapag ng bahay. Maaga pa at halos pasikat pa lang ang araw ngunit ang unang palapag ng bahay namin ay marami ng tao at tila nagkakagulo. Siguro ay dahil sa nangyari kagabi.
Nakasalubong ko si Emma na mukhang kakagaling lang sa labas at patungo na ng kusina. Hinawakan ko ang kanyang baso upang pigilan siya. Napalingon naman siya sa akin at agad akong binati.
“Si Avi?” iyon kaagad ang itinanong ko sa kanya. Pinagmamasdan ko siyang mabuti nang makita ko na para bang may sugat o parang kagat sa kanyang leeg.
“Nasa labas po, Ma’am. May mga pulis po kasi sa l
