“Umalis si Avion. Tinawagan daw siya ng pinsan niya,” sabi ko kay Bellamy. Tumawag kasi siya sa akin at kinukumusta ako. Ang sabi niya ay binabalak niya raw magbakasyon dito sa Laguna kapag may free time na siya. Ang tagal ko na rin silang hindi nakikita nina Kolt. Kami ni Ayva ay kahit papaano nakakapagkita pa dahil pareho lang naman kaming nasa Laguna.
“Sigurado ka ba na mga pinsan niya ang kasama niya? Baka naman ginagamit niya lang ang mga ito para pagtakpan ang pagkikita nila ni Eloise na iyan,” giit ni Bella. Napanguso ako.
Sa tingin ko ay maling sinabi ko sa kanila iyong kasunduan nina Avion at Eloise. Masyadong napasama si Avion sa mga kaibigan ko kahit na mga sinasabi lang naman ni Eloise ang mga narinig ko at hindi ang side ni Avion.
Napabuntong hininga ako at umiling kahit h
