Tulala pa rin si Alexa habang nakasakay sa kotse ni Json. Taglay pa rin ng bawat himaymay ng kanyang kagandahan ang kahihiyan dulot ng walang pakundangan niyang kusang pagsuko kay Json.
"Ano yun luv?" nakakunot noong tanong nito matapos niyang magpahayag ng kanyang pagsuko.
Agad na kumilos ang lohika niya at hinatak pabalik sa kanyang katawang lupa ang kanyang kaluluwa at huwisyo.
"Ha?" tanong niya, lito pa rin.
"Sabi mo may isusuko ka," paliwanag pa nito.
Namula siya. Paulit-ulit siyang lihim na nagmura habang sinisiko si Jenna na tutop ang bibig na humahagikgik sa tabi niya.
Wengya Alangan namang umamin siya? Napatingin siya kay Jenna na pulang-pula pa rin sa kakahagikgik.
Juskohan! Lukaret kasi ang BFF niya. Kasing lukaret ng hormones at braincel
