Isang grupo ng mga naka-maskara ng iba't ibang uri ng demonyo ang kasalukuyang nagpupulong sa isang may kadilimang silid. Sila ay mga pinuno ng iba't ibang sindikato at dahil sa alam nilang pare-parehong halang ang kanilang mga budhi, hindi nila ipinapamalas ang kanilang katauhan sa isa't isa. Gayon pa man, sila ay nagkakaisa para sa isang misyon; iyon ay ang pagwasak sa isang organisasyong pilit na lumilipol sa kanila, ang Clandestine.
"Halos dalawang taon na ang nakakaraan, wala pa rin ba?" tanong ng ginoong nakasuot ng animo'y multo ngunit may tatlong sungay ang maskara.
"Ano bang pinoproblema nyo!? Hindi ba't ikaw na din ang nagsabi, halos dalawang taon na ang nakakalipas, pero ano!? Wala pa namang nabawas sa atin, hindi ba!?" ani ng isa pang lalaking may nakakatakot na maskara. "Mas
