'H-Hindi, a-anong nangyayari? N-Nasaan ako? S-Sino... ang mga taong ito!?'
Isang babae ang nakahiga sa sahig, nanghihina ang kaniyang katawan at nakagapos ang kaniyang mga kamay. Punit-punit ang kaniyang damit at halos lumabas na ang maseselang parte ng kaniyang katawan. Kagigising lamang nya mula sa pagkawala ng kaniyang malay at litung-lito siya sa kung ano ang nangyari sa kaniya. Pilit niyang inaalala ang mga huling nangyari sa kaniya at nang maalala niya ito ay agad na nagtagis ang kaniyang mga ngipin sa pagkadismaya sa kaniyang sarili.
'Nahuli nila ako! H-Hindi, delikado ang lagay ko!'
"Gising na siya," ngisi ng isang malaking lalaking balbas sarado at uminom ng beer na nakalata.
Bukod sa lalaking 'yon, may pito pang kalalakihan ang naroroon. Nagsusugal ang mga ito at umiinom din
