SAGITTARIUS
“MAY RELASYON BA sina Aqua at Taurus? Nakita ko sila kanina sa Mall. Nakakapit pa nga ang kamay ni Aqua sa braso ng kaibigan mo. Parang may iba sa kanila,” sabi ni Mom. Narinig ko sa boses niya ang lungkot. Gusto niya talaga si Aqua para sa akin.
“Magkaibigan lang sila,” sagot ko habang ipinagpatuloy lang ang pagpipinta sa kuwarto ko.
“May posibilidad na ayaw na niyang makipagbalikan sa iyo dahil doon sa kaibigan mo. Nag-aalala lang ako.”
Napatigil ako sa ginagawa ko at nilingon si Mommy. Naiinis lang ako sa kung paano niya pag-isipan ng masama ang kaibigan ko. Matalik na magkaibigan kami ni Taurus kaya malabong papatulan niya ang mahal ko.
“Ano ba ang gusto ninyong mangyari? Ang magalit ako sa kanila?” tanong ko.
“Not like that, son. Alam mo naman na gusto ko si Aqua par
