Mataman akong tumitig sa bagay na hawak ko, huminga ng malalim bago nagpasyang lumabas sa banyo at puntahan sa Ace na hinihintay ako sa labas. Malawak ang ngiti niya pagkalabas ko, tila sabik sa kasagutan ng isang tanong na nasa kanya.
“What’s the result, baby? M-Magiging tatay na ba ako?” bakas sa tono ng kanyang boses ang kasabikan. Huminga ako ng malalim at inabot sa kanya ang dalawang pregnancy test kit na pareho ang resulta. Negatibo.
Nakita ko kung paano nawala ang ngiti sa kanyang mga mata at napalitan ng pagkahinayang na hindi ko maintindihan kung bakit, mayamaya lang ay tipid siyang ngumiti sa akin tapos ay niyakap ako ng mahigpit at hinalikan sa noo.
“It’s okay, baby. Let’s just try again,” malambing na bulong niya, hindi naman ako nakasagot. Alam ko kung gaano kasabik magkaro
